Rahoton da yake shigowa Dimokuradiyya na nuni da cewa; Malam Abdulateef Suleiman, mataimaki na musamman ga gwamnan jihar Kogi, Alhaji Yahaya Bello ya rasu sakamakon rashin lafiya da ya yi fama da ita.
Malam Suleiman ya rasu ne a wani asibiti mai zaman kansa a birnin tarayya Abuja sakamakon ciwon da ya shafi zuciya.
Malam Muhammed Onogwu Sakataren yada labaran gwamnan Kogi shi ne ya bayyana sanarwar rasuwar Abdulateef Suleiman, inda ya tabbatar da cewa ya rasu ne a yau Laraba.
Za a yi jana’izarsa kamar yadda addinin Musulunci ya tanada a yau Laraba.
