Rahotanni na nuna cewa, An sake samun wani hatsarin mota a Olokonla da ke kan titin Jebba-Ilorin-Ogbomoso a safiyar yau Litinin.
A cewar rahoton farko na hukumar kiyaye hadurra ta kasa, hatsarin ya afku ne da wata mota kirar Toyota HIACE Bus ta jigilan Fasinja, yayin da lamarin ya faru da misalin karfe 4 na safe.
Sauran bayanan motocin sun nuna cewa lambar rajista motar, BFU947XA kuma launin fara ce.
Motar da ke dauke da fasinjoji shida, ana kyautata zaton cewa, Direban ta, Mai suna Mista Tecno ya kasa shawo kanta ne sakamakon fashewar taya.
KARANTA WANNAN LABARIN: Tottenham ta Sallami Nuno Espirito Santos
Rahotanni sun ce mutane biyu sun mutu nan take, yayin da wasu uku suka jikkata, amma an garzaya da su wani asibiti da ke kusa da garin Adua, domin duba lafiyar su
Kazalika rahotanni sun bayyana cewa, an mika daya daga cikin wadanda suka jikkata zuwa asibitin koyarwa na jami’ar Unilorin da ke garin Ilorin, yayin da wadanda suka mutun biyu aka kai su dakin ajiye gawa na asibitin.