Zaɓen Gwamnan Anambra: APGA ta ƙara lashe ƙarin Ƙaramar Hukuma, yanzu ta bada tazarar ƙuri’u dubu 36

Jam’iyyar APGA ta ƙara samun nasarar lashe ƙaramar Hukumar Orumba ta Arewa a zaɓen Gwamna da ake gudanarwa a halin yanzu.

Farfesa Chukuma Soludo Ɗan takarar APGA a zaɓen da ake gudanarwa, ya samu ƙuri’u 4,826, a yayinda ɗan takarar jam’iyar APC Andy Uba ya samu ƙuri’u 2,692, a sa’ilinda Ɗan takarar Jam’iyar PDP ya samu ƙuri’u 1,863.

A dukkanin sakamakon Zaɓen da aka sanar na ƙananan hukumomi 8, dukkanin su Ɗan takarar Jam’iya mai Mulki ya APGA shine ya lashe zaɓen.

KARANTA WANNAN LABARIN: Bukola Saraki Ya Soki Hukuncin Garƙame Majalisar dokokin jihar Filato

Ƙananan Hukumomin da aka sanar a cibiyar tattara sakamakon Zaɓe sun ƙunshi Orumba ta Kudu, da Orumba ta Arewa, da Njikoka, da Awka ta Kudu, da Onitsha ta Kudu, da Aguata, da Anaocha, gami da Anambra ta Gabas.

Soludo ya samu ƙuri’u dubu 60,988 a ƙananan hukumomi, sai Ozigbo nada ƙuri’u 24,972, inda ya bada tazarar dubu 36,016.

Uba shi kuma yana da 21, 505

Ga sakamakon kamar haka

Orumba Arewa
APC: 2692
APGA: 4826
PDP: 1863

Ƙaramar Hukumar Aguata

APC: 4773

APGA: 9,136

PDP: 3798

Ƙaramar Hukumar Njikoka

APC – 3216

APGA – 8803

PDP – 3409

Orumba ta Kudu

APC: 2,060
APGA: 4394
PDP: 1672

AWKA ta Kudu

APC – 2595
APGA – 12891
PDP – 5489

Onitsha ta Kudu

APC – 2050
APGA – 4281
PDP – 2253

Anambra ta Gabas

APC 2034
APGA: 9746
PDP: 1380

Ƙaramar Hukumar Anaocha

APC – 2085
APGA – 6911
PDP – 5,108