Daga: Wakilin Dimukaradiyya Mukhtar Yakubu Kano
Sabon Shugaban riko na kungiyar Kwararru ta masu shirya fina-finai ta kasa reshen jihar Kano Umar Gombe, ya sha alwashin kawo sauyi a Masana’antar shirya fina-finai ta kannywwod domin samar da cigaba a cikin harkar mai dorewa.
Umar Gombe ya yi wannan bayanin ne a lokacin tattaunawar su da Jaridar Dimukaradiyya bayan, rantsar da shi da aka yi a matsayin Shugaban riko na kungiyar a makon daya gabata, biyo bayan karewa wa’adin Shugabancin Kabiru Maikaba a matsayin sa na zababben Shugaba.
Tun da farko a bayanin na sa yace “Duk da yake dai mu ba zababbu ba ne, an rantsar damu ne zuwa wani lokaci, wanda Kuma aikin mu shine mu samar da tsarin da zai sa ita kungiyar ta cigaba tare da gudanar da zabe , wanda a kokarin mu na samar da shugabanci mai tsafta da zai zama karbabbe a wajen Jama’a kafin mu Kai ga Hakan Sai mu yi kokarin samar da kyakyawan tsarin da zai sa a samu shugabanni masu inganci a Masana’antar.
Ya kara da cewa don haka za mu fara da samar da kyakyawan tsarin da zai kasance an samar da tsarin mai kyau, saboda burinmu dai shine ya zama Kano yadda ta zama cibiyar harkar fim ta harshen Hausa a duniya ta zama Alkiblar samar da yanayi da Kuma tsari mai kyau don ta zama abin misali a wajen masu gudanar da harkar fim din Hausa a duk in da suke a fadin duniya. “
Sannan ya Kara da cewar” A wannan aikin da muka sa a gaba, ba namu ba ne mu kadai da aka rantsar, abu ne daya shafi duk wani mai kishin harkar fim din Hausa da masu gudanar da harkar cewa kowa yazo ya bayar da tasa gudummawar.
Umar yace don haka ne ma, na dauki aikin bibiyar duk wani wanda yake da ruwa da tsaki a cikin harkar domin na gabatar da kaina a gare shi Kuma na sanar da shi irin nauyin da aka dora mini da Kuma tabbatar masa da cewar ba aikin da zan iya yinsa ni kadai bane, har Sai na samu goyon baya daga wajen su ne zan samu na kaiga nasara, don haka nasara ta nasarar kuce, Kuma gazawa ta gazawar kuce.sannan kuma nasarar Masarautar kanywood ce baki daya. “
Ya ci gaba da cewar” Idan har mun yarda kannywwod ita ce babbar Masarautar shirya fina-finan Hausa ta duniya, to ya zama wajibi mu yi kokarin samar Mata da shugabannin da suka dace domin su ci gaba da kular mana da ita domin kasuwancin harkar ya samu gyaruwa saboda masu zuwa nan gaba su ci gajiyar abin da muka samar. “
Daga karshe Umar Gombe yace kofar su a bude take ga duk wanda yake son ya bayar da tasa gummawar da shawarwari da Kuma duk wani abin da zai kawo Sabon sauyin da muke son mu Dora Masarautar ta kannywwod a Kan sa.