A ranar Juma’ar nan ne wasu ‘yan Najeriya suka yi zanga-zangar rashin samun sabbin takardun Naira a yankin Agege dake jihar Legas.
DAILY POST ta rawaito cewa matasan sun mamaye manyan tituna, inda suka far wa matafiya, da sauran wadanda basu ji basu gani.
KU KASANCE: Gwamnatin Zamfara Ta Musanta Biyan Albashin Wasu Ma’aikata Da Tsohon Kudi
Da yake tabbatar da faruwar lamarin, jami’in hulda da jama’a na rundunar ‘yan sandan jihar Legas, Benjamin Hundeyin, ya ce rundunar ta na sane da faruwar lamarin kuma an tura jami’anta zuwa yankin.
A ranar Alhamis din da ta gabata ne shugaban kasa Muhammadu Buhari ya bayar da umarnin a rage wa’adin amfani da tsofaffin takardun kudi na N1000 da N500.
Ya ce takardar Naira 200 ne kawai za ta rika yawo tare da sabbin takardun kudin da aka samar.
Jama’a na ci gaba da fuskantar wahala sakamakon karancin kudin Naira.
Hakan dai na faruwa ne duk da tabbacin da babban bankin Najeriya ya bayar.
A wani labarin kuma: Mazauna Kaduna Sun ƙi Sakin Jiki Da Umarnin El-Rufai Kan Tsohuwar Naira
Jami’an tsaro masu tsattsauran ra’ayi sun mamaye babban bankin Najeriya, CBN, reshen Kaduna, a daidai lokacin da daruruwan mazauna garin suka yi wa kofar shiga kofar bankin tsinke.
A safiyar Juma’ar nan, kamar yadda jaridar Daily Post ta rawaito, Tun da misalin karfe 7:30 na safe, mazauna jihar da ke dauke da tsofaffin takardun kudi sun yi wa kofar shiga CBN kawanya.
