Gwamnatin jihar Kano, karkashin gwamna Dr Abdullahi Umar Ganduje tace ta kammala shirinta na kaddamar da inganta harkokin zirga zirga a cikin birnin Kano.
Gwamnatin ta kaddamar da shirin kawo manyan motocin Bas Bas, wadanda zasu taimaka wajen zirga-zirga cikin birni da kewayen jihar Kano.
Motocin kirar BRT zasu kasance irin su na farko da wata gwamnati a jihar Kano za tayi Amfani da su wajen saukaka harkar sufuri a jihar.
Tini dai gwamnatin jihar Kano ta cimma matsaya tare da Kamfanonin Motocin Zhengzhou Yuong, da Zhengzhou Public Bus Communication, domin kawo manyan motocin guda 100 zuwa jihar Kano.
Motocin zasu kasance na zamani da kayan kayatarwa a cikinta, tare da na’urorin tsaro saboda tsare wadanda zasu hau motocin.