Farfesa Olabode Bamigbola na sashen horas da ilmin Lissafi na Jami’ar Ilorin, yace Najeriya zata iya amfani da kimiyyar lissafi-Mathematic wajen magance matsalolin tsaro.
Mr Bamigbola ya bayyana haka a ranar Juma’a a lokacin wani taron jami’ar karo na 207 mai taken “kayi kyakkyawan amfani da abinda ke gareka, Kimiyyar Lissafi”
Farfesa wanda yana koyarwa a sashen Nazarin Kimiyyar Physics, ya lura dacewa matsalolin dake faruwa a yanzu sune matsalar tsaro.
Ya bayyana su a matsayin ta’addanci, da bindiga daɗi, da garkuwa da mutane, da matsalolin tattalin arziki, gami da rashin wadatacciyar wutar lantarki da sauran su.
KARANTA WANNAN LABARIN: NSCDC ta tura jami’ai 20,000 domin zaɓen Gwamnan Anambra
Acewar sa, dukkanin Waɗannan matsaloli za’a iya magance su ta hanyar fasahar mathematical and scientific approach.
Za’a iya amfani da hakan wajen magance matsalar tattalin arzikin ƙasar, abun mamaki idan ka gano USA da Russia, da China da India da Afrika ta Kudu sun samar da cigaban ƙasashen su ta hanyar amfani da Lissafi.
Yace wani abu dake zama alamar rashin samun cigaba a ƙasa shine samun ƙarancin wutar lantarki.
Bamigbola ya bada shawara akan a riƙa yawaita yin dubi akan jadawalin koyar da Lissafi a dukkanin matakai na ilmi domin samar da ilmi Lissafi da sauri.