Jam’iyyar People’s Democratic Party (PDP) ta bayyana yakin neman kujerar gwamnan jihar Kaduna a matsayin wani abu na ko a mutu ko a yi rai a zaben 2023.
Sakataren Jihar Alhaji Ibrahim Wosono ne ya bayyana haka a lokacin da yake jawabi ga ‘yan kungiyar hadin kan matasan kudancin Kaduna da suka kai wa dan takarar gwamnan jam’iyyar, Isa Ashiru ziyarar Sallah.
“Mun shirya kuma mun kuduri aniyar kare kuri’unmu saboda an tsare ni da cin zarafi saboda kare kuri’unmu a zaben da ya gabata. Don haka ni a awajena zaben nan na a yi ko a mutu ne,” inji shi.
Shi ma dan takarar jam’iyyar ya ce PDP za ta kubutar da jihar daga mummunan shugabanci, yana mai cewa duk matsalolin da jam’iyyar ta samu dole ne ta lashe zabe mai zuwa a jihar.
Ashiru ya tabbatar wa al’ummar Kudancin Kaduna cewa idan aka zabe shi zai gudanar da gwamnatin da ta ware kowa da kowa a jihar ba.
A wani labarin kuma makamancin wannan.
A yau Alhamis ne dan takarar shugaban kasa na jam’iyyar PDP, Atiku Abubakar, ya bayyana aniyar sulhu da Gwamna Nyesom Wike na jihar Ribas.
Atiku ya ce a shirye yake ya sasanta da Wike domin maslahar jam’iyyar.
Da yake jawabi ga manema labarai a Osogbo, babban birnin jihar Osun, Atiku ya dage cewa babu wani bangare a cikin PDP.
Dan takarar shugaban kasa na jam’iyyar PDP ya dage cewa PDP ta hade wuri Vida.
“Wasan kwaikwayo ne na dandalin sada zumunta. Babu wani abu kamar bangaren Wike ko wani bangaren Atiku. Dukka Iyalan PDP daya ne.”
Akan shirin ganawa da Wike domin yin sulhu, kuma Atiku ya ce: “Me zai hana? Ina kofata abude take da hakan.”
“Wasu mutane kan yi fushi idan abubuwa ba su tafi yadda suke ba da sauransu. Za mu shawo kan hakan. Ina da dukkan imani cewa za mu yi hakan,” ya kara da cewa.
Wike dai bai ji dadin zaben da Atiku ya yi wa Gwamna Ifeanyi Okowa na jihar Delta a matsayin abokin takarar sa.
Atiku ya yi watsi da shawarwarin kwamitin da ya kafa domin zabar abokin takararsa, bayan nasarar da ya samu a zaben fidda gwani na shugaban kasa na PDP.
Kwamitin mai mutum 16 ya ba da shawarar Wike, wanda ya zo na biyu a zaben fidda gwani na jam’iyyar, amma Atiku ya zabi Okowa.