Sanata Mai Wakiltar Bauchi ta Arewa, Adamu Bulkachuwa, ya ce da yawa daga cikin takwarorinsa sun goyi bayan ƙudirin tsige Shugaban Ƙasa Muhammadu Buhari.
Sanatocin da aka zaɓa a jam’iyyar PDP a ranar 27 ga watan Yuli, sun fita cikin fushi, bayan da Shugaban Majalisar Dattawa, Ahmad Lawan ya hana Sanata Philip Aduda tattaunawa kan matsalar rashin tsaro da kuma wani wa’adi ga Buhari bayan wani zaman sirri da suka yi.
Mafi yawan ƴan Majalisar sun amince cewa a baiwa Buhari wa’adin makonni shida ya kawo ƙarshen matsalar rashin tsaro ko kuma su tsige shi daga Shugaban Ƙasa.
KARANTA WANNAN LABARIN: Abokin Takarar Obi, Ahmed Datti ya caccaki Buhari kan rashin tsaro, yace ba abinda zai iya yi har ya sauka
Aduda ya ce akwai buƙatar a mika wa Shugaban Ƙasa sanarwar a hukumance, amma Lawan ya yanke wa Sanatan Abuja hukuncin cewa hakan baya cikin tsari.
Bulkachuwa wanda ya bayyana hakan a ranar Litinin a wata hira da yayi da gidan Talabijin na Channels TV, a shirin Siyasa a Yau, ya ce: “A ranar ne Majalisar Dattawa ta zaman sirri, kuma a zaman sirrin aka tattauna wadannan batutuwa kuma ba tare da bayyana komai ba, zan iya cewa. ku cewa mafi yawan Sanatoci na ganin akwai bukatar a fara wannan matakin.”
Sai dai mai kula da shirin Seun Okin, ya yi tambaya musamman ko Sanatocin APC na cikin waɗanda suka koka kan tsige shi.
Bukachuwa ya amsa da cewa: “Na ce su ne mafi rinjaye. Ba yarjejeniya ce ta bai ɗaya ta kashi 100 (batun tsige Buhari), amma da yawa daga cikin Sanatoci sun goyi bayan haka