Wata babbar kotu da ke zamanta a Ibadan, babban birnin jihar Oyo, a yau, za ta fayyace makomar mataimakin gwamnan jihar, Rauf Olaniyan, wanda ke fuskantar barazanar tsige shi daga wasu ‘yan majalisar dokokin jihar.
Mai shari’a Akintola na babbar kotun Ring Road 7, a jiya, ya dage sauraren karar har zuwa yau.
Ya ce, “Hukuncin da aka so yankewa tun farko zia kar har zuwa gobe (yau).”
Hakan ya biyo bayan gazawar Cif Afolabi Fashanu (SAN), lauyan mataimakin gwamnan jihar Oyo, Rauf Olaniyan, ya kasa gabatar da martani kan korafin da shugaban majalisar, magatakarda da kuma majalisar dokokin jihar Oyo suka shigar kan batun tsige shi a cikin jihar.
Wakilin jaridar Daily Trust ya ruwaito cewa ‘yan majalisa hudu daga cikin 33 a majalisar dokokin jihar Oyo a ranar 15 ga watan Yunin 2022 sun kawo zarge-zarge biyar a kan mataimakin gwamnan.
Zarge-zargen sun hada da, “rashin da’a, sabawa dokokin aikin ofis, watsi da ofis da aikin hukuma da rashin biyayya da sauran laifuka.”
A wani labarin kuma na daban.
Kungiyar masu fafutukar ganin sun kafa kasar Biafra, wato IPOB, ta gargadi tsohon gwamnan Kano Rabi’u Musa Kwankwaso.
A cewar kungiyar su suna naɗi ne, ba wai zabe ba, a don haka Kwankwaso ya kiyayi kansa, daga danganta ya’yan kungiyar da zaben gama gari da za ayi a Najeriya.
Kungiyar ta kuma gargadi yan siyasar Najeriya, da ma shi kwankwason kan sa da su guji alakanta kungiyar su da Peter Obi.
Dimokuraɗiyya ta rawaito cewa Peter Obi shine ɗan takarar shugaban a jam’iyyar LP, kuma ya fito ne daga yankin da yan IPOB din suka fi kaurin suna.
To sai dai IPOB ta ce duk da kasancewar Peter dan yankin su ne, amma hakan bai bashi damar zama san cikin kungiyar su ba, kuma ba nasu bane.
Wata Sanarwa da suka gabata ga manema labarai ta hannun jami’in hulda da jama’ar na kungiyar, Emma Powerful, sun ce tsarin da Peter Obi kwata kwata bai dace da irin tsarin kungiyar su ba.