Wani manomi da ya yi fice a kiwon kifi ya shawarci ‘yan Nijeriya da su yi haramar komawa gona domin bunkasa bangaren noma don kaucewa fadawa yanayin yunwa sakamakon annobar cutar Korona.
Lere Bello ya bada wannan shawarar ne a garin Ilorin a ranar Asabar. Inda ya ce abinci na daga cikin ginshikan rayuwa, a don haka bai kamata a dauki bangaren da wasa ba.
Manomin ya ce wannnan shawarar ta shi yana shawartar musamman matasa su yi maza su koma gona, domin annobar cutar Korona na iya kawo karancin abinci.