Dakarun tsaro dauke da makamai daga rundunar ‘yan sanda a Legas, Sojoji da NSCDC sun hana shiga filin wasa na kasa, Surulere gabanin zanga-zangar RevolutionNow da Omoyele Sowore ke jagoranta a ranar Litinin.
Kamfanin Dillancin Labaran Najeriya (NAN) ya ruwaito cewa Sowore, dan takarar shugaban kasa na African Action Congress (AAC) a zabukan da suka gabata, an kama shi ne ranar Asabar Wanda ake zaton jami’an hukumar tsaron farin kaya (DSS) ne suka kama shi.
NAN ta ruwaito cewa, motocin ‘yan sanda da suke sintiri, gami da na Rapid Respond Squad (RRS), wadanda aka ƙidaya sama da 20, da Armored Personnel Carriers (APC) da jami’an rundunar tsaro ta Motoci OP MESSA, suna shawagi ko ta ina dabda Filing wasa na Sululere.
Kamar yadda masu zanga zangar suka fito da sanyin safiyar yau 8.40.
NAN ta kara da cewa jami’an tsaron sun hana ma’aikatan filin wasa na kasa, da Daliban Kwalejin Wasanni ta Kasa (NIS) da kuma mutanen da suka zo horar da su, daga karbar baki a cikin filin wasan.
Wata majiya ta fada wa manema labarai na NAN cewa su bar yankin a daidai karfe 8.50 na safe. Domin masu aikin sun shirya tsaf don tsage masu zanga-zangar a kowane lokaci.
Kwamandan Yankin, Area C, ACP Tijani Fatai, ya gaya wa NAN cewa masu gudanar da aikin sun kasance a kasa don dakatar da kowane irin zanga-zanga a filin wasa.
Fatai ya bayyana cewa ba su nan ne don ba da tsaro ga masu zanga-zangar ba sannan ya shawarci dimbin jama’ar da suka taru a gaban kofar filin wasa na kasa da su nisanta kansu.
Jami’in hulda da jama’a na rundun jihar Legas ‘DCP’, Mista Mohammed Ali, ya fada wa NAN a wata tattaunawa ta wayar tarho, cewa masu zanga-zangar sun gaza samun lasisin da suka dace don gudanar da zanga-zangar da aka shirya.
“Zanga-zangar tasu ba ta haramtacciya ba ce. Ba su sami izini ba ga zanga-zangar. Idan sun ce suna da izini, to su nuna shi.
“Duk wanda ya kawo karshen matsalar za a yi masa hukunci da doka,” in ji Ali. (NAN)