Gwamnatin Jigawa ta biya kuɗin fansho da garatuti
A karshe dai masu ritaya a jihar Jigawa suna cigaba da farin ciki bayan sun karbi alawus dinsu na ritaya.
Majiyar Jaridar Dimokuradiyya ta ruwaito cewa shirin bayar da gudunmawar fansho na jihar Jigawa da na kananan hukumomin jihar ya kasa biyan kudin gratuti da na ritaya na tsawon watanni sakamakon wasu matsaloli da suka jefa shirin cikin damuwa.
KARANTA WANNAN LABARIN:AFCON: Basu da Kwazo – Bashir Ahmad Ya Caccaki Super Eagles Bayan Doke Cote D’ivoire
Gwamna Umar Namadi, ya kaddamar da kwamitin kwararru da zasu duba tare da gano dalilin jinkirin biyan ma’aikatan da suka yi ritaya albashi.
Wasu daga cikin dalilan sun hada da rashin fitar da akalla N3.2b na kudaden fansho da aka kayyade a shekarar 2014, 2015, 2019, 2020, da 2021 da kananan hukumomi 27 na jihar suka yi saboda yawan ritayar ma’aikatan kananan hukumomi.
Tazarar ayyukan yi na shekaru da yawa ya gurgunta shirin sosai saboda yawan ma’aikatan gwamnati da suka yi ritaya sun haura kudaden da ake da su.
A kwanakin baya ne majalisar zartaswar jihar ta amince da ciyo rancen Naira biliyan biyu domin biyan alawus din ma’aikatan gwamnati da suka yi ritaya.
Sakataren zartarwa na hukumar bayar da gudunmawar fansho na jihar Jigawa Kamilu Musa ya ce shirin ya biya sama da N1.823b a matsayin riba ga ma’aikata 702 da suka fice daga aiki tsakanin shekarar 2023 zuwa Janairu 2024.
Musa ya yi kira ga al’ummar jihar da su ci gaba da marawa gwamnati baya da addu’o’insu domin ganin an samu ingantacciyar jihar Jigawa da kowa zai samu kwanciyar hankali a cikin ajandar samar da wadata.
A wani labarin kuma:AFCON: Basu da Kwazo – Bashir Ahmad Ya Caccaki Super Eagles Bayan Doke Cote D’ivoire
Hukumar kula da filayen jiragen sama ta Najeriya FAAN a ranar Alhamis ta ce ta mayar da hedikwatarta daga Abuja zuwa Legas domin rage kashe kudade.
Hakan na kunshe ne a cikin wata sanarwa da ta fitar a Abuja, ta hannun Misis Obiageli Orah, Darakta, Hulda da Jama’a da Kare Kayayyakin Al’umma na FAAN.