Alkalumma na baya-bayan nan da hukumomin lafiya daga kasashe daban-daban suka fitar, sun nuna cewa annobar Korona ta kashe mutane kusan dubu 267 daga watan Disambar 2019 zuwa yau a sassan duniya.
A cikin awa 24 da suka gabata Korona ta kashe mutane da dama, domin a Amurka kawai an samu mamata dubu 2 da 862, sai Brazil mai mutane 615, sannan Birtaniya inda mutane 539 suka rasu cikin kwana guda
Sannan akalla mutane miliyan 3 da dubu 806 da wasu mutanen 440 ne suka harbu da kwayar cutar a kasashen duniya 195, yayin da mutum miliyan 1 da dubu 170 da kusan mutane 100 suka warke daga cutar, kamar dai yadda sahihan Alkaluma suka tabbatar.