A kokarin rundunar yan sanda ta jihar Kano wajen aiki da umarnin babban Sifeton yan sanda na Kasa Usman Alkali Baba, domin yaki da harkar Daba, shaye-shaye, fashi da makami da sauran su, yanzu haka rundunar tayi nasarar kama mutane 59 daga 19/10/2021 zuwa 27/10/2021, da laifin Fashi da makami, ta’ammali da miyagun kwayoyi da sauran Laifuka.
Mai magana da yawun rundunar DSP Abdullahi Haruna Kiyawa ne ya sanar da hakan cikin sanarwar da ya rabawa manema labarai a yau Alhamis, inda ya ce da yawansu sun kama su a yayin bikin Takutaha da aka gudanar shekaran Jiya Talata.
Kwamishinan yan sanda na jihar CP Sama’ila Shu’aibu Dikko fsi daga nan sai yayi kira ga duk sauran bata harin da sukai saura a sassan jihar da su tuba, ko kuwa su fuskanci fushin rundunar domin kuwa zata cafke su tare da gurfanar da su gaban kuliya domin girbar hukunci dai dai da laifin da suka aikata.