Rundunar ‘yan sandan sashin RRS da ke Legas ta kama wasu ‘yan fashin motoci uku da suka yi wa wani mai tafiya a kafa, Yusuph Ahmed fashin Naira dubu dari, wayoyin hannu uku, da agogon hannu sama da Naira 600,000 a yankin Agege da ke Jihar.
CSP Olayinka Egbeyemi, Kwamandan Rapid Response Squad wato tawagar kai daukin gaggawa, ya bayyana cewa ‘yan fashin, Ridwan Imran mai shekaru (20), Lukman Abiodun mai shekaru (18) da kuma Abdulahi Isa mai shekara (18), sun gudanar da aikin ne a ranar Talata da misalin karfe 9 na dare bayan sun fasa kan wanda abin ya shafa da su kwalba.
A cewar sanarwar; “Wadanda ake zargin sun tursasa shi ne suka bi shi har zuwa filin wasa na Agege, suka fasa masa kwalba a kai, suka tura shi cikin magudanar ruwa, suka kuma kwace masa naira dubu dari, wayoyin hannu uku da agogon hannu, wadanda aka kiyasta sun haura N600,000.
“Kwamandan, Rapid Response Squad, CSP Olayinka Egbeyemi, wanda ya katse kiran wayar da aka yi daga yankin game da fashin motoci, ya umurci tawagar Decoy zuwa wajen da lamarin ya faru, inda uku daga cikin manyan wadanda ake zargi suka bi su aka kama su, yayin da wasu suka tsere.
“Bincike na farko da rundunar ta gudanar ya haifar da kwato daya daga cikin wayoyin salula uku na wanda abin ya shafa daga inda aka boye.”
Da yake ba da labarin abin da ya faru, wanda abin ya shafa ya ce; “Daya daga cikin kwastomomi ne ya kira ni, wanda ya ba ni Naira 100,000:00 domin in gyara wata mota Sienna. Na isa Isheri – Garage Berger inda suka (suna nuni ga Ridwan Imran da Lukman Abiodun) suka umarce ni da in ba su kuɗin abinci.
“Na roƙe su cewa ba ni da kuɗi a kaina. Cikin lumshe ido suka tara abokan aikinsu, da alama sun zagaya.
“Sun kasance kusan shida a adadi. Dole na gudu. Sun kore ni daga Isheri – Garage Berger zuwa filin wasa na Agege. Sun yi min dukan tsiya kuma suka fasa kwalba a kaina.
“Na yi sa’a, a can ne mutanen RRS suka kama shugabanninsu. Allah ya amsa addu’ata na sami tsira”
Egbeyemi ya tabbatar wa wanda abin ya shafa cewa za a gurfanar da duk wadanda ake zargi da hannu a fashin a gaban kuliya.