Biyo bayan nasarar da ƙungiyar ƙwallon ƙafa ta Liverpool tayi a wasan mako na biyu na gasar ajin Firimiyar Ingila akan Chelsea daci 2 da nema a filin wasan na Stanford Bridge inda suka kwashi maki uku rigis.
Sabon ɗan wasan da suka saya daga Bayern Munich wato Thiago Alcanatara ya kafa wani gagarumin tarihi inda yafi kowanne ɗan wasa bayar bani na baka wato passing, sai dai wani abin mamaki wannan ɗan wasa a hutun rabin lokaci aka sako shi.
Thiago Alcanatara dai yayi bani na baka sau 75 inda yafi kowa yi a wasan, haka Kovacic yayi sau 58 sannan Kieta na Liverpool yayi sau 47.
Shidai Alcanatara ya zo Liverpool a ranar Juma’a sannan kuma yayi atisaye a ranar Asabar inda ya buga wasan farko a ranar Lahadi kuma ya fara da ƙafar dama.
A yanzu haka wannan ɗan wasa zai kwashe shekaru huɗu a ƙungiyar ƙwallon ƙafa ta Liverpool inda suka saye shi daga ƙungiyar ƙwallon ƙafa ta Bayern Munich dake ƙasar Jamus wanda sune suka lashe gasar zakarun nahiyar turai kuma da taimakonsa Munich ta lashe gasar.