Magoyin bayan kungiyar kwallon kafa ta Newscastle United da ya fadi sakamakon murna, wanda kuma faduwar ta sanya ya ji ciwo har aka kwantar da shi a asibiti, yanzu haka an sallame shi bayan samun kulawar likitoci.
Newscastle United ce ta sanar da sallamar masoyin nata, wanda ya ji ciwon lokacin murna bayan da kungiyar ta zazzage kwallaye 3-2 a ragar Tottenham, yayin wasan da suka buga ranar 17 ga watan October, kuma an sallame shi Jiya Talata daga asibitin da aka kwantar da shi.
Mutumin mai suna Alan Smith Mai shekaru 80, ya fadi ne a mintuna 45 da fara wasan da aka buga a filin wasa na St James Park.
Yanzu haka dai Alan yana cikin koshin lafiya, tare da kokarin murmurewa.