Rahotanni na nuni da cewa kungiyar kwallon kafa ta Arsenal dake kasar Ingila za ta sayar wa Borussia Monchengladbach Granit Xhaka mai shekara 27, a wani bangare na wata yarjejeniya da suke son kullawa ta musaya da Denis Zakaria dan kasar Switzerland.
A wani labarin kuma an bai wa kocin Arsenal Unai Emery wata daya domin ya tsira da aikinsa.
Su kuma Manchester United za ta yi kokarin sayen dan wasan gaban Norway Erling Braut Haaland mai shekara 19, daga Red Bull Salzburg a watan Janairu, ta kuma bayar da aronsa ga kungiyar Austriyan a sauran kakar bana.
