Biyo bayan fara sabuwar kakar wasa ta Bundes Liga da akayi tuni zakarun gasar wato ƙungiyar ƙwallon ƙafa ta Bayern Munich ta maimaitawa Schalke 04 abin data yiwa Barcelona na zazzagamata ƙwallaye guda 8 rigis a raga.
Daga cikin ‘yan wasan da suka jefa ƙwallayen guda 8 harda wanda ya jefa guda 3 wato Sergi Dnabry haka shima sabon ɗan wasan da suka saya daga ƙungiyar ƙwallon ƙafa ta Manchester City wato Lorey Sane ya jefa ƙwallo 1.
Munich dai ta jera shekaru takwas tana lashe gasar Bundes Liga inda wasu suke cewa ta mayar da kofin na gado tana yimasa abin da taga dama, sai dai ana ganin cewar babu wata ƙungiyar ƙwallon ƙafa data isa ta taka mata birki ganin yadda ta fara nuna rashin tausayi a kan Schalke 04.
Shin yadda Bayern Munich tayi ragargaza a gasar zakarun turai a kakar wasan data gabata ko zata kuma maimaita abin data yi a kakar wasa mai zuwa? tambayar da www.dimokuradiyya.com.ng ta yiwa wani magoyin bayan Barcelona kenan inda yace “Eh to zasu iya, amma kuma idan har suka haɗu da Real Madrid to suma kwanansu ya ƙare duba da cewar idan an cire maganar adawa duk duniya Madrid ne sukeyimusu hawa ƙawara tako wanne fanni a diniyar ƙwallon ƙafa don kowa yasan wannan”