Kotun koli ta sanya ranar Juma’a 12 ga watan Janairu domin yanke hukunci kan karar da gwamnan jihar Kano, Abba Kabir Yusuf ya shigar yana kalubalantar hukuncin kotun daukaka kara.
Idan ba a manta ba jaridar Dimokuradiyya ta ruwaito cewa kotun sauraron kararrakin zaben gwamnan jihar Kano ta kori Yusuf wanda aka zaba a karkashin jam’iyyar New Nigeria People’s Party, NNPP.
Kotun ta umurci hukumar zabe mai zaman kanta ta kasa, INEC, da ta ba Nasir Yusuf Gawuna, dan takarar jam’iyyar All Progressives Congress, APC, takardar shaidar lashe zabe a watan Maris, 2023.
Amma Gwamna Yusuf wanda bai gamsu da hukuncin ba ya garzaya kotun daukaka kara domin kwato abinda yace ana shirin karbewa daga hannunsa.
Kotun daukaka kara, yayin da ta tabbatar da korar tasa, ta kara da cewa gwamnan ba dan jam’iyyar NNPP ba ne a lokacin zaben.
Gwamnan da jam’iyyarsa sun yanke shawarar kawo karshen lamarin a kotun koli ta hanyar shigar da kara kan hukuncin da aka yanke a baya.
A wani labarin kumaDa Ɗuminsa: CBN ya rusa shugabancin bankunan Union, Keystone, Polaris, Titan
Sakataren kungiyar lauyoyi na jam’iyyar NNPP Barista Bashir Tudun Wuzirci ya shaida wa Aminiya a ranar Laraba cewa kotun koli ta sanya ranar Juma’a don yanke hukuncin.
Eh, an tabbatar da hakan a hukumance. Sun ce mu bayyana ranar Juma’a domin yanke hukunci.
Sun gaya mana cewa bai kamata kowace jam’iyya ta sami mashawarta fiye da biyu ba,sun ce, saboda za su yanke hukunci bakwai a ranar Juma’a,” in ji shi.