Dan wasan gaban Kungiyar Kwallon kafa ta Barcelona Raphael Dias Belloli Raphinha ya bayyana cewa, ba zai ta ba bugawa kungiyar kwallon kafa ta Real Madrid wasa ba, har karshen rayuwarsa. Kamar yadda Fabrizio Romano ya ruwaito.
Mai shekaru 26 Ya bayyana hakan ne lokacin da yake amsa tambayoyi a kafar yada labarai ta Adri Contreras a yau Litinin.
KARANTA WANNAN LABARIN: Zamba: Kotu Ta Amince da Belin Ɗan Uwan Gwamnan APC da Wasu Kan N2bn
Ya kara da cewa, babu wata kungiya da yake son murzawa leda a kaf kasar Sifaniya face Barcelona.
Da ake tambayansa game da yuwuwar bugawa wata kungiya wasa anan gaba wacce ba a Sifaniya ba kuwa, Raphinha ya ce, ya na da sha’awar wasu kungiyoyi guda biyu ne kawai, Arsenal da Paris Saint-Germain
Kazalika ya kara da cewa, yana da sha’awar ya ga Messi ya dawo kungiya ta Barcelona domin takama mata leda a karo na biyu.
Dan kasar Brazil din ya koma Bacerlona ne a ranar 15 ga watan Yulin shekarar 2022 daga kungiyar kwallon kafa ta Leeds United dake kasar Ingila kan kudi Fam milliyan 50.
A wani labari kuma, Zanga-Zangar Karancin Kudi: Yan sanda Sun Kama Mutum 30 A Ogun
Rundunar ‘yan sandan jihar Ogun ta ce ta kama sama da mutane 30 kan rikicin da ya barke a ranar Litinin a garin Sagamu, wanda ya yi sanadin farmakin akalla rassan banki hudu a yankin Sabo da ke Sagamu da masu zanga-zanga suka yi.
The Nation ta ruwaito cewa, Ita ma Sakatariyar karamar hukumar Sagamu ba ta tsira ba yayin da masu zanga-zangar suka kai hari a ma’aikatunta.
