Gwamnatin Kano ta hana yin bikin hawan sallah a jihar duk da bayar da dama da tayi don a yi Sallar Juma’a da kuma Idi. Gwamnatin ta yi haka ne domin bada matakam kariya ga annobar COVID19.
Sallar Idin bana ita ce sallar ta farko wadda Sarki Aminu Ado Bayero zai gudanar a karagar mulkin Kano bayana da maye gurbin tsohon Sarkin Kano Muhammadu Sunusi II.
Kafin zamowarsa Sarkin Kano, Bayero, ya kasance sarki na farko a garin Bichi wanda tana daya daga cikin sarautu biyar da gwamna Ganduje ya kirkira.
Jim kadan bayan ganarwarsa da masu ruwa da tsaki a jihar, wanda ya hada fa malamai, Ganduje yace ba za a yi bukukuwa a wannan sallah ba ciki har da hawan sallah da aka saba yi duk shekara.
Ya kara da cewa, Sallar Juma’a aka dakatar makwanni shida da suka gabata, yanzu za ci gaba yinta. Inda hukumar Hisbah zata sa ido wajen ganin a bi dokar bada tazara a yayin gudanar da Sallar ta juma’a.
Gwamnan ya sake yin duba tare da yiwa dokar fita ‘yan gyare-gyare, mutane zasu ke fita da misalin karfe 10 na safe zuwa karfe 6 na yamma a ranakun Lahadi, Labara da kuma ranar Juma’ah.
Daga Abubakar Muhammad Usman