Kungiyar kwallon kafa ta Leicester City dake ƙasar Birtaniya na kara matsa kaimin wajen ganin ta dauko dan wasan tsakiya na Barcelona Philippe Coutinho.
Ko da yake har yanzu babu wata yarjejeniya, amma Ƙungiyar ta ce ko da ba za a siyar mata shi ba za ta dauke sji aro kamar yadda Jaridar Mundo Deportivo ta ruwaito.
Ita kuwa jaridar Guardian cewa ta yi Tottenham ta kusa kammala yarjejeniya da tsohon kocin Roma Paulo Fonseca a matsayin sabon Kocin ta.
Rahotanni daga Spaniya na nuni da cewa Ƙungiyar Real Madrid na shirin sabunta wa kyaftin dinta Sergio Ramos kwantiragi, ganin yadda suke cikin barazanar rashin Raphael Varane, cewar jaridar AS ta kasar Spaniya.
Har yanzu a Real Madrid din, inda sabon Kocin ta Carlo Ancelotti yake matsa lamba wa shugabannin kungiyar da su dauko mishi dan wasan gaba na Jamus kuma dan Chelsea Timo Werner in ji Express.
Idan muka sake komawa Inhila kuwa, Manajan Arsenal Mikel Arteta ya buɗe kofar tattaunawa da mai tsaron gidan kungiyar Bernd Leno kan yiwuwar sallamarsa.