Biyo bayan fara fafata sabuwar gasar ajin Firimiya ta ƙasar Ingila da aka ɓare sabuwa fil a leda a wannan rana ta Asabar akwai wani sabon salo da aka tsiro da shi a gasar ajin Firimiya ta ƙasar Ingila wanda ba kowa bane ya lura da shi.
Sai dai daman akwai ƙudirin yin hakan tun kafin a fara fafata gasar ta Firimiya inda jagororin kowacce ƙungiyar ƙwallon ƙafa wato Captains sai da sukayi taro a tsakaninsu na yadda da nuna ƙudirin da aka kawo kuma aka amince cewar za’ayi amfani da shi a gasar ta Firimiya.
Inda ga dukkanin wanda ya lura zai ga an rubuta wasu kalmomi ahannun kowacce rigar ɗan wasa inda a kayi rubutu kamar haka “No Room For Racism” wato yin yaƙi da nuna wariyar launin fata a gasar ta ajin Firimiya wato kakar wasa ta 2020 zuwa 2021.
A yanzu dai ta tabbata cewar hakan za aci gaba da yi a gasar ta ajin Firimiya inda daman nuna wariyar launin fata bashi da amfani inda ake cin zarafin ‘yan wasan da suka fito daga nahiyar Afrika dama sauran inda sassan inda baƙaƙen fata suke a sauran nahiyoyin duniya.