By Abbas Yakubu Yaura
Daga ranar Litinin, 15 ga wata Nuwamba, 2021, ’yan Najeriya zasu fara biyan karin kudin mita da akayi daga Naira 13,766 da kuma Naira 26,829 don samun mitoci guda-guda da mai hawa uku daga Kamfanonin Rarrabawa wutar lantarki, DISCOs.
A wata sanarwar da hukumar kula da wutar lantarki ta Najeriya NERC ta fitar a ranar Juma’a a Abuja, hukumar ta kara farashin mitar mai hawa daya daga farashin Naira 44,896.17 a halin yanzu ya koma zuwa farashin Naira 58,661.69.
Sannan kuma sun kara farashin mita mai hawa uku daga farashin Naira 82,855.19 zuwa Naira 109,684.36.
Jaridar Dimokuradiyya ta rawaito cewa hukumar NERC ta sanar da karin ne ta wata takardar da aka rubuta mai kwanan watan 11 ga Nuwamba na shekarar 2021, wadda kuma aka aikewa da Manajan Daraktoci, zuwa ga dukkanin Kamfanonin Rarraba Wutar Lantarki, DISCOs da kuma dukkan masu samar da kadarorin mita.
Da’irar, mai lamba NERC / REG / MAP / GEN / 751/2, tana da taken ‘Bita kan farashin naúrar na mitoci masu amfani a ƙarƙashin Mai Bada Kayayyakin Mita da Dokokin Mita na Kasa’.