RELATED POSTS
Cikakken bayani kan dalilin da ya sa aka kama tsohon mataimakin shugaban majalisar dattawa, Ike Ekweremadu da matarsa, Beatrice Nwanneka Ekweremadu.
Ekweremadu da matarsa sun shirya kawo wani yaro daga Najeriya domin cire wani sassa na jikinsa.
Idan ba a manta ba rundunar ‘yan sandan birnin Landan ta ce ana tuhumar ma’auratan ne da laifin hada baki don shirya wa da kuma saukaka tafiyar wani da nufin yin amfani da su, wato sassan jikinsa
Sai dai Daily Mail ta ruwaito cewa ma’auratan da suka bayyana a gaban kotun majistare ta Uxbridge a ranar Alhamis, sun yi fatan dashen sassan jikin yaron ne ga ‘yarsu da ke fama da ciwon koda.
Jaridar ta ce kotun ta ji cewa an kama ma’auratan ne a ranar Talata a filin jirgin sama na Heathrow a lokacin da suke yunkurin shiga jirgi zuwa Turkiyya inda aka ce za a iya yin hakan.
An ce Ekweremadu yana da fam 20,000 a lokacin da aka kama shi, kamar yadda masu gabatar da kara suka bayyana.
An dai ci gaba da tsare ma’auratan a gidan yari kuma an dage sauraron karar zuwa ranar 7 ga watan Yulin shekarar nan
