A yammacin yau Asabar ne tsohon shugaban kasa Olusegun Obasanjo ya karbi bakoncin jiga-jigan babbar jam’iyyar adawa ta PDP shugabannin yakin neman zaben shugaban kasa a Abeokuta.
Wata sanarwa da mataimaki na musamman kan harkokin yada labarai ga tsohon shugaban kasar, Kehinde Akinyemi, ya fitar ta nuna cewa tawagar karkashin jagorancin dan takarar mataimakin shugaban kasa kuma gwamnan jihar Delta, Okowa, sun hada da babban daraktan kwamitin yakin neman zaben shugaban kasa kuma gwamnan jihar Sokoto, Aminu Waziri Tambuwal da tsohon gwamnan jihar Jigawa, Sule Lamido.
KARANTA WANNAN LABARIN: Yanzu-yanzu: Jam’iyyar PDP Tayi Rashin Dan Takarar Majalisar Wakilai
Sauran sun hada da, tsohon gwamnan jihar Osun, Prince Olagunsoye Oyinlola, tsohon gwamnan jihar Cross River, Liyel Imoke da kuma Otunba Oyewole Fasawe.
Da yake magana bayan kusan awanni biyu da sakin labulen, Tambuwal ya ce tawagar ta je Abeokuta “domin karramawar da muka saba kuma mu ci gaba da tuntubar shugabanmu, tsohon shugaban kasa Olusegun Obasanjo kan al’amuran da suka shafi kasa kuma mun tattauna da shi sosai. ”
Ya kara da cewa, “Muna nan a shirye-shiryen zaben 2023, kuma za mu ci gaba da yin abin da ya kamata mu yi domin mu ci zabe.
“Sakona ga ’yan Najeriya shi ne mu fito gaba daya idan lokacin watan Fabrairu ya yi don kada kuri’ar samun daidaiton tikitin da ke nuna halayen kasar nan, wanda zai samar da shugabancin da zai daidaita kasar nan da farfado da tattalin arzikinmu da bunkasar tattalin arzikinmu. hadin kan kasa wato Atiku Abubakar da Gwamna Okowa.
Tambuwal ya yi nuni da cewa jam’iyyar na sa ran samun gagarumin taro da dimbin jama’a a yakin neman zaben shugaban kasa na jihar Legas a ranar Litinin mai zuwa.
A wani labarin kuma, Osinbajo Ya Shilla Kasar Vietnam Domin Yin Ziyarar Kwanaki Uku
Mataimakin shugaban Najeriya Yemi Osinbajo, SAN, ya bar Abuja a yau, 3 ga watan Disamba, zuwa jamhuriyar gurguzu ta Vietnam domin gudanar da wani babban taro a tsakanin kasashen biyu.
A cewar wata sanarwa mai dauke da sa hannun babban mataimaki na musamman kan harkokin yada labarai ga mataimakin shugaban Kasa, Laolu Akande, Osinbajo ya shirya ganawa da shugaban kasar Vietnam, Nguy? n Xuân Phúc; Mataimakiyar shugaban kasa, Madam Vo Thi Anh Xuan; Firayim Minista, Pham Minh Chinh, sauran jami’an gwamnati da ‘yan kasuwa.
