Gwamnatin tarayya ta umarci ma’aikatanta da ke kan matakai na 12 da 13 da waɗanda suke ayyukan da suka zamo dole su fara zuwa aiki kullum.
Shugabar Ma’aikatar ta ƙasa, Folashade Yemi-Esan, ta bayar da umarnin a ranar Litinin, 10 ga watan Augusta, 2020.
Ta ce waɗanda suka dawo aiki za su rika zuwa daga karfe 8:00 na safe zuwa 4:00 na yamma, a ranakun Litinin zuwa Juma’a.
Wannan mataki ya biyo bayan sanarwar kwamitin shugaban ƙasa na yakar cutar Korona cewa ma’aikatan da ke tsallake ranakun zuwa aiki su fara zuwa kullum.
https://dimokuradiyya.com.ng/za-a-fara-yi-wa-maaikatan-gwamnati-gwajin-korona-a-nijeriya/
Gabanin sanarwar, ma’aikatan da ke mataki na 14 zuwa sama ne kaɗai ke zuwa aiki sau uku a mako domin kauce wa yaduwar cutar ta sarƙe numfashi.
Ta kuma umarci manyan sakatarori da shugabannin ma’aikatun gwamnati su maido ma’aikatan da ke gudanar ayyukan tilas bakin aiki.
“A kula da abubuwan da ka iya jawo matsalolin lafiya in har mutane suka dawo, daidai da ƙa’idojin da aka gindaya na Korona”.
Ta kuma yi kira ga ma’aikatan da su bi ƙa’idojin na hana kamuwa da cutar da suka haɗa da bayar da tazara da wanke hannu da sanya takunkumin fuska.
“Inda kuma aka dawo da yawa, to shugabanin ma’aikatan su raba ma’aikatan a rika yin tsarin karba-karba
